Зврлевски се сретна со Хојт Брајан Ји

Јавниот обвинител на Република Македонија Марко Зврлевски денеска се сретна со заменик-помошникот државен секретар за европски и евроазиски прашања во американскиот Стејт департмент, Хојт Брајан Ји.

На средбата, како што соопшти ОЈО, станало збор за справувањето со тероризмот и санкционирањето на учеството во странски војски, како и за подготвеноста на Јавното обвинителство на Република Македонија за справување со кривичните дела против изборите.

Двајцата соговорници размениле мислења и за соработката помеѓу институциите, вклучувајќи ги и односите меѓу Јавното обвинителство на Република Македонија и Јавното обвинителство за гонење кривични дела поврзани и кои произлегуваат од содржината на незаконското следење на комуникациите​.

Брајан Ли на средбата беше придружуван од амбасадорот на Соединетите Американски Држави во Република Македонија, Џес Бејли.