Зузулова победи на слаломот на „Сијеме“ крај Загреб

Вероника Велез Зузулова од Словачка е победничка на слаломската трка од Светскиот куп во алпско скијање која денеска се возеше во Загреб. 

 

Словачката скијачка оствари најдобро време по двете возења од 2:02.53 секунди што беше за 24 стотинки побрзо од сонародничката Петра Влахова. 

 

На третото место трката на „Сијеме“ ја заврши Шарка Страчова од Словачка која имаше 52.стотинки послаб резултат. 

Ова беше прв триумф сезоната за Зузулова во оваа дисциплина откако на претходите три трки завршуваше како второ пласирана. 

 

Водечката во слалом Михаела Шифрин не ја заврши првата трка, па сега разликата меѓу Американката и денешната победничка Зузулова е 110 бодови.