Зошто се јавува болка во рака после вакцинација
Болката во раката е типична нуспојава по вакцина против Ковид-19 и може да има чудни и збунувачки форми.
Додека некои луѓе чувствуваат само болка, други имаат силна болка што се движи од раката надолу по страната на телото, болка што се движи кон рамењата или дури болка што се претвора во трнење во рацете.
Постои прилично едноставно објаснување зошто луѓето чувствуваат болка на местото на инјектирање. Ешли З. Ритер, постдокторски соработник на Универзитетот во Пенсилванија и главен клинички директор на „Dear Pandemica“, вели дека тоа е чест несакан ефект на секоја вакцина. Инјектирањето на вакцината во мускулот на раката всушност го стимулира имунолошкиот систем.
– Кога таа течност ќе влезе во мускулот, телото испраќа бели крвни зрнца и лимфна течност во таа област за да се изгради имунолошки одговор. Ова е токму она што сакаме да се случи, но може да биде малку непријатно. Болката што ја чувствувате е резултат на активност што се случува во вашето тело, објасни Ритер.
Зголемената количина на течност во лимфните јазли во близина на местото на инјектирање често предизвикува болка во мускулите, а понекогаш и под пазувите или градите.
Отечен лимфен јазол може да се појави на мамографија, па експертите препорачуваат ваков преглед да се избегнува некое време по примање вакцина.
Кога имунолошкиот одговор и оток ќе се повлечат, болката ќе исчезне за неколку часа до неколку дена. Ако болката е многу силна, д-р Шерил Решинос предлага да се чека 12 часа за телото да развие целосен имунолошки одговор, а потоа да се земаат лекови против болки, препорачани од лекар.
Ако симптомите значително влијаат на способноста за функционирање и ако се надвор од опсегот на очекуваните несакани ефекти, секако треба да контактирате со лекар, советува Ритер.
Ново на Сител
-
Нормализиран сообраќајот на регионалниот пат Скопје - Тетово, ан ГП „Табановце“ се чека половина час
-
ДЗС: Активни четири пожари, под контрола три, 18 изгаснати
-
Трамп: Три нуклеарни локалитети во Иран се уништени, ќе уништиме и нови ако ги изградат
-
Министерот Алиу најави реформа на Мој Термин
-
Шест лица и едно дете пренесени на Клиниката за токсикологија по пожар во стан во Скопје
-
АНБ: Одземени огнено оружје и мобилни уреди при претреси на две локации во Скопје
-
Приведен 36-годишник од Дебар, упатувал закани со нож
-
Полициски службеник физички нападнат од едно лице на Средно Водно