Спорт плус
12. February 2018 - 7:15

ЗОИ 2018: Златен медал во уметничко лизгање за Канада

Кандската двојка во уметничко лизгање Теса Вирту и Скот Мор го освоија првото место  по слободната програма во танцови двојки и помогнаа Канада екипно да биде најдобра и да се закити со златен медал во тимска конкуренција. 
Второто место во танцови двојки на денешната програма на третиот ден од Игрите во Пјонгчанг им припадна на Американците Маја и Алекс Шибутани, но тоа не беше доволно да се освои сребрениот медал бидејќи Екатерина Борисова и Дмитри Соловиев освоија доволно поени за олимпискиот тим на Русија да го освои второ место екипно и среброто, додека Американците освоија бронзен медал.
Златниот медал за Канада покрај Вирту и Мор, го донесоа уште Патрик Чан (машка конкуренција), Габриеле Далман и Кејтлин Осмонд (кај жените) и Меган Дуамел и Ерик Редфорд (спортски двојки).