Знамето на НАТО ќе биде подигнато пред македонската Влада
Денеска пред Владата ќе биде објавено новото уставно име и ќе биде подигнато знамето на НАТО, кое ќе се најде веднаш до државното пред седиштето. На свечената церемонија ќе говори премиерот Зоран Заев.
Од зградата на Владата веќе е тргнат написот „Влада на Република Македонија". Се очекува стапувањето во сила на уставните амандмани по што ќе бидат објавени во Службен весник.
До доцна синоќа нотата од Грција сѐ уште не беше пристигната за да бидат исполнети сите правни услови за влегување во сила на конечната Спогодба и уставните амандмани.
Потоа, Република Северна Македонија и Грција ќе поднесат заедничко писмо до генералниот секретар на ОН, Антонио Гутареш, дека се става крај на децениските билатерални спорови помеѓу двете земји. Потоа, генералниот секретар на ОН, земјите-членки, земјите набљудувачи на ОН и сите други меѓународни организации ќе бидат информирани за промената на името.
Македонската влада веќе формира тим за подготовка на национален акциски план за спроведување на понатамошни мерки за воведување на новото име од страна на државните институции, промена на граничните табли и на оние на дипломатско-конзуларните претставништва.
Ново на Сител
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат
-
Април годинава потопол од просечните многугодишни вредности
-
Вембањама прогласен за дебитант на годината во НБА
-
Вечерва ќе се одржи првото полуфинале на Евровизија