Жител на Криволак предизвикал пожар палејќи стари предмети на нива

Жител на неготинското село Криволак предизвикал пожар палејќи стари предмети на нива, информираа попладнево од Секторот за внатрешни работи (СВР) Велес.

Синоќа во 19 часот во ОВР Неготино бил извршен службен разговор со 36-годишен жител од село Криволак, Неготинско. Тој се сомничи дека на нива во село Криволак запалил стари предмети и предизвикал пожар на сува трева.

Повредени лица нема, а пожарот бил изгаснат од Територијална противпожарна единица Неготино.

„Увид извршила увидна екипа од ОВР Неготино и по документирање на случајот ќе биде поднесен соодветен поднесок“, соопштија од СВР Велес.