Железничка несреќа во Германија, најмалку тројца загинати, 60 повредени

Во железничка несреќа што се случи претпладнево на југот на Германија, според последните податоци загинаа најмалку тројца, додека повеќемина се повредени.

Несреќата се случила околу пладне во близина на Гармишпартенкирхен, кога регионалниот воз на кат, преполн со патници, излегол од шините.

Според полицијата, покрај тројцата загинати, повеќе од 60 се повредени, од кои 16 потешко.

Сведоци велат дека неколку вагони се превртеле и се излизгале од железничките пруги, по насипот. Меѓу патниците имало и многу деца. Возот сообраќал на линија Гармишпартенкирхен – Минхен.

На помош на пожарникарите им се придружиле и припадници на Бундесверот (федерални војници) и сојузната полиција кои се стационирани во овој дел на Германија, поради претстојниот самит на земјите од Г7 во градот Елмау. Во Германија денеска почнува тродневниот празник Духови, на кој се најавува еднонеделен школски распуст.

Истовремено, во средата во Германија почна продажбата на месечните билети за возење во јавниот превоз и во локалните возови по цена од 9 евра, шт предизвика невообичаено висок број патници и метеж од локални жители и турсти.