Зголемен индикаторот на доверба во трговијата на мало
Индикаторот на доверба во трговијата на мало во првото тримесечје од годинава е зголемен за 0,2 процентни поени во однос на претходното тримесечје и за 1,1 процентен поен во однос на истото тримесечје од 2016 година, оценуваат раководителите на деловните субјекти.
Според нивната оценка, економската состојба на деловните субјекти во првото тримесечје од годинава е понеповолна во однос на претходното тримесечје, а поповолна во однос на истото тримесечје од 2016 година. Се очекува дека ќе биде поповолна во наредните две тримесечја.
Како што информира Државниот завод за статистика, количината на залихите е намалена во однос на претходното тримесечје, а финансиската состојба во првото тримесечје од годинава е поповолна во однос на четвртото тримесечје од 2016 година.
Оценката за очекуваните порачки за наредниот период е дека ќе се намалат, додека бројот на вработени ќе се зголеми.
Продажните цени во првото тримесечје од годинава се намалиле во однос на четвртото тримесечје од 2016 година, а се очекува нивно намалување и во наредните 3 месеци.
Најголемо влијание на ограничувањето на економската состојба на деловните субјекти во текот на првото тримесечје од годинава имале слабата побарувачка од купувачите со 31,6 отсто, зголемената понуда на пазарот со 17,6 отсто и зголемената конкуренција на пазарот со 12,5 отсто.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата