Земјотрес почувствуван во Скопје

Земјотрес со јачина од 4,9 степени според Рихтеровата скала вечерва беше почувствуван во Скопје и поширокиот регион. Според достапните податоци, земјотресот е регистриран во 22:05 часот по локално време.

Епицентарот на потресот се наоѓал на подрачје во Косово, на околу 22 километри источно од Призрен и 15 километри северно од Тетово, на длабочина од 5 километри. Потресот бил почувствуван и во повеќе градови низ Македонија, особено во Скопје и Полошкиот регион.