Земјите од регионот преземаат строги мерки за зголемување на опфатот на вакцини
Парично казнување за оние кои не се вакцинирани, а ќе завршат во болница поради коронавирус. Ваква иницијатива предлагаат лекари во Словенија каде здравствениот систем е преоптоварен од ковид пациенти. За словенечките експерти е логично невакцинирани кои мора да бидат хоспитализирани поради вирусот да платат дополнителна партиципација односно дел од своето лекување.
Нашиот јужен сосед оди и чекор понапред и во грчкиот парламент е усвоен законски амандман со кој вакцинацијата против Ковид-19 е задолжителна за лицата над 60 години, пренесоа агенциите.
Претходно, премиерот Мицотакис донесе и одлука за месечна парична казна од 100 евра за секој постар граѓанин кој нема да прими вакцина до 16 јануари.
Инаку во Грција е регистриран и првиот случај на Омикрон и тоа кај државјанин од островот Крит кој бил на патување во јужна Африка. Новиот сој веќе е потврден во повеќе од 20 земји а научниците се уште истражуваат дали е поопасен и позаразен од останатите варијанти.
Дополнителни мерки поради ширењето на омикрон донесе и соседна Србија. Сите патници кои доаѓаат од Африка на српските аперодроми ќе бидат подрлежни на ПЦР тестирања.
-
Сања Димитровска
Сите содржини од овој новинар