Зеленски: На ултиматумот на Путин не може да му се верува
Украинскиот претседател Володимир Зеленски денеска изјави дека условите што ги постави рускиот претседател Владимир Путин за завршување на војната се „ултиматум“ на кој не може да му се верува.
„Верувам дека Путин нема да ја прекине својата воена офанзива дури и ако се исполнат неговите барања за прекин на огнот. Тоа се крајни пораки кои не се разликуваат од пораките од минатото. Ова е истото што го правеше Хитлер, затоа не треба да веруваме во овие пораки“, изјави Зеленски за италијанскиот информативен канал SkiTG24 на маргините на самитот на Г7, што се одржува во италијанското одморалиште Борго Ењачија, пренесува Ројтерс.
Се огласи и украинското Министерство за надворешни работи, кое ги нарече „апсурдни“ термините на Путин и нагласи дека рускиот претседател се обидува да ги измами светските сили и да ги поткопа вистинските мировни напори.
Претходно Путин рече дека условите за Москва да го прекине огнот и „веднаш“ да започне мировни преговори се Украина ги повлече трупите од четири региони и да откаже од кандидатурата за членство во НАТО.
„Украинските трупи мора целосно да се повлечат од Доњецката и Луганската народна република, регионите Керсон и Запорожје. Покрај тоа, внимавајте тие мора да се повлечат од целата територија на овие региони, во нивните административни граници што постоеја во времето на нивното влегување во Украина. Штом Киев ќе изјави дека е подготвен за таква одлука и ќе започне вистинско повлекување на војниците од овие региони, а исто така и официјално ќе извести за напуштање на плановите за влез во НАТО, ние веднаш, буквално во истиот момент ќе дадеме наредба за прекин на огнот и почеток на преговори“, рече Путин на состанокот со руските дипломати во Москва.
Ново на Сител
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски
-
Мицотакис: Ги предупредуваме нашите северни соседи, не почнавте добро, престанете да правите сметка без крчмарот
-
Претседателката Сиљановска Давкова го прими кинескиот амбасадор Џанг Ѕуо
-
Изет Меџити ќе биде прв заменик претседател на Владата
-
За септември одложен почетокот на повтореното судење за пожарот во модуларната болница во Тетово