Заврши уредувањето на улиците во кичевското село Колибари

Во неколку кичевски села во завршна фаза е проектот „Реконструкција на улици“. Од локалната власт се задоволни што етапно го решаваат проблемот со инфраструктура во селата. Најавувaат и дека наредниот период ќе продолжат градежните активности и во други селски средини.

Во село Колибари се асфалтирани сите улици откако предходно беше завршена другата подземна ифраструктура. Вкупната должина на улиците е околу 600 метри, а ширината од три до пет метри.

-Финансиските средства за реализација на овој проект се обезбедија од Бирото за регионален развој и од Буџетот на Општина Кичево, истакна Лавдрим Ибраими од Месната заедница на селото Колибари.