Заврши реконструкцијата на Занаетчискиот дом во Куманово
Заврши внатрешната реконструкција на Занаетчискиот дом во Куманово. Од вторник тука ќе можат да се венчаваат младите брачни парови од градот, а просторот ќе може да се користи за изложби, промоции и семинари.
- Реконструкцијата на Занаетчискиот дом во Куманово се спроведуваше преку проект на Центарот за развој на североисточниот плански регион. Две третини од средствата за санација ги обезбеди Центарот за развој на североисточниот плански регион, а една третина општина Куманово, информира градоначалникот на општина Куманово Зоран Дамјановски.
Тој посочи дека за реконструкцијата се одвоени 18 милиони денари. Во внатрешноста на овој објект, лоциран на градскиот плоштад, променета е столаријата, поставена е изолација, инвестирано е во греењето, сменети се санитарните јазли и електричната инсталација.
Дамјановски очекува да се промени и фасадата и надворешно да се осветли. Просторот ќе можат да го користат граѓанските и невладини организации. Со реконструкцијата беа опфатени трите ката на објектот, но и покрај тоа е планирано да се задржи репрезентативниот изглед.
Домот на занаетчиите е дело на рускиот архитект Владимир Антонов, изграден по иницијатива на занаетчиите, а пуштен во употреба во 1930 година.
Ново на Сител
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции