Заврши реконструкцијата на мостот на истекот на Црн Дрим од Охридското Езро
Заврши реконструкцијата на мостот со кој се врши регулација на истекот на Охридското Езеро во реката Црн Дрим, проект кој го релизираше компанијата ЕЛЕМ во периодот од декември минатата година.
Проектот, како што информира ЕЛЕМ, се состои од целосна замена на старите талпи со нови со цел поголема безбедност за пешаците, а истовремено ја задржа автентичноста.
-Активностите за обновување и зајакнување на мостот почнаа во декември минатата година, но во јануари паузираа поради временските непогоди и екстремно ниските температури. Реконструкцијата е извршена со материјали, кои ќе го задржат неговиот автентичен изглед, а ќе обезбедат безбедност за граѓаните на Струга и на туристите кои го користат овој премин, соопшти ЕЛЕМ.
Проектот за механички испуст на сегашниот регулациски мост е изработен во осумдесеттите години на минатиот век, а последна реконструкција била направена во 2010 година.
ЕЛЕМ, како што е наведено во информацијата, подготвува барање за добивање согласности за темелна реконструкција на мостот и на испустот. Реализацијата на таков проект, според компанијата, ќе зависи од добиените мислења и услови од УНЕСКО, Министерството за животна средина, Општина Струга и други надлежни институции, со оглед на тоа што Охридското Езеро е под заштита на УНЕСКО и сите иницијативи и зафати во езерото се подложни на соодветен мониторинг.
Ново на Сител
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект