Заврши ликовната колонија „Арт варијации-Стари поток“
По петдневна работа и создавање ликовни дела заврши втората ликовна колонија - Сликарски конак „Арт варијации-Стари поток“, во организација на Здружението за култура, наука и општествени дејности „Стари поток“ од Кочани.
- На годинешната колонија учествуваа седум ликовни уметници од Србија и Македонија кои создаваа дела во акрил и масло на платно на слободна тема. Годинава манифестацијата ја дислоцираме во Пехчево во просториите на Домот на културата „Јане Сандански“, а уметниците своите дела ги создаваа во околината на Пехчево. Минатата година колонијата беше реализирана кај езерото Градче крај Кочани, изјави Љупка Стоименова, претстедател на Здружението „Стари поток“ од Кочани.
На сликарскиот конак „Арт варијации-Стари поток“ учестуваа ликовните творци: Божица Милојевиќ и Кристина Милошевиќ од Република Србија, Трајан Трајковски, Гроздан Крстевски, Гоце Илиевски, Ели Ѓорѓиоска и Мики Трендафиловски од Република Македонија.
- Импресионирана сум од организацијата на колонијата.Во моите дела црпам инспирација од енергијата на одреденото место на кое творам. За ова сведок се и моите дела што ги создадов во текот на овие денови, изјави Божица Милојевиќ, ликовен уметник од Србија.
- Божествено творечко поднебје под чиј небесен свод тече и се слуша жуборот на бистра река во која постојано се мрести творечката идеја и еколошка порака, истакна ликовниот уметник Гроздан Крстевски од Македонија.
Создадените дела од годинешниот сликарски конак ќе бидат изложени наредниот месец во Центарот за култура „Бели мугри“ во Кочани, а ќе бидат претставени и пред љубителите на ликовната уметност од Пехчево и неколку други градови низ Македонија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово