Затворен за сообраќај патот Крушево - Долно Дивјаци - Кочиша

Патниот правец Крушево - село Долно Дивјаци - село Кочиша е небезбеден за сообраќај и претставува опасност за нормално одвивање на сообраќајот и поради тоа денеска од 15:00 часот до негово санирање ќе биде затворен за секаков вид на сообраќај, информира АМСМ.

Граѓаните од овие населени места ќе го користат регионалниот пат село Пуста Река - Крушево.

На патниот правец Валандово – Струмица, кај Костурино поради одрони сообраќајот е одвива отежнато и забавено. 

Сообраќајот на државните патишта се одвивa непречено, по претежно влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.