Започна пријавувањето за предадена оризова арпа

Во подрачната единица на Министерството за земјоделство, шумарство и водостопанство во Кочани од денеска започна пријавувањето на земјоделците за добивање субвенција по основ на предадена оризова арпа во текот на јули од реколтата во 2015 година.

Од  подрчаната единица на Министерството во Кочани истакнуваат дека со примањето на апликациите е започнато од денеска и во текот на овој прв ден се подмнесени 24 апликации за добивање дополнителни субвенции за предадена оризова арпа кај откупувачите.

Истакнуваат дека голем број земјоделци се инетересирале за поднесување апликации, со што се очекува од утре поголема динамика во поднесувањето на барања за дополнителни субвенци.

Инаку, со  новата мерка земјоделците кои имаат пријавено земјиште до 2 хектари на кое одгледуваат оризова арпа ќе добијат 5 денари дополнителна субвенција за предаден килограм кај откупувачите. Земјоделците со земјиште од 2 до 10 хектари имаат право на субвенција од 4 денари за килограм, а производителите со пријавено земјиште над 10 хектари на кое одгледуваат ориз ќе добијат по три денари за килограм.

Одлуката арпата да биде предадена од 1 до 31 јули е со цел да се продадат количините останати од минатогодишната реколта. Оризопроизводителите по предавањето на залихите, со целата документација до крајот на август треба да се пријават во подрачната единица на Министерството за земјоделство и да аплицираат за добивање на дополнителни субвенции за откупена оризова арпа.