Мајкл Џордан првиот спортист кој се најде на листата на Форбс 400 - најбогати луѓе во САД
Легендата на НБА, Мајкл Џордан стана првиот спортист кој се најде на листата на Форбс 400. Оваа ранг листа, која ја составува една од најавторитетните и најпознатите финансиски и економски публикации во светот, ги вклучува најбогатите луѓе во САД.
Џордан, кој неодамна го продаде својот удел во Шарлот, „тежи“ три милијарди долари. Во јуни, вредноста на шесткратниот шампион во НБА беше проценета на две милијарди долари.
Во текот на 15 сезони во НБА, Џордан заработи 94 милиони долари и беше најплатен играч во лигата во 1997 и 1998 година.
Главната заработка на Мајкл доаѓа од неговите активности надвор од теренот. Тој заработи приближно 2,4 милијарди долари (пред оданочување) работејќи со брендови како Мекдоналдс, Гаторејд, Ханес и Најк.
Шеесетгодишниот Џордан го постигна својот најголем успех во август кога се раздели со својот мнозински удел во Хорнетс за три милијарди долари. Дваесет и седмиот по вредност клуб во НБА беше продаден за втората најголема сума во историјата на НБА. Тоа е 17 пати повеќе од она што вредеше Шарлот кога Џордан стана мнозински сопственик на тимот во 2010 година.
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам