Заменик-градоначалникот на Париз Кристоф Најдовски ја посети Битола

Градоначалничката на Битола Наташа Петровска денеска приреди прием и оствари работна средба со заменик-градоначалникот на Париз, Кристоф Најдовски.

Најдовски по потекло е битолчанец, а како заменик-градоначалник е задолжен за мобилност и превоз во Париз, информираат од секторот за односи со јавност на Општина Битола.

Во соопштение за јавноста оттаму наведуваат дека тема на разговор меѓу Најдовски и Петровска бил организираниот јавен превоз.

За време на престојот во Битола, Кристоф Најдовски се интересирал за развојот на националниот парк Пелистер, за еко-туризмот и велосипедизмот.

Соговорниците договориле интезивирање на соработката, информираат од Општина Битола.