Законски измени за враќање на медицинските сестри во јавното здравство
Медицинските сестри, техничари и радиолошки технолози со средно, вишо и високо стручно образование ако сакаат, ќе можат да се вратат од приватното во јавното здравство. Ова го овозможуваат најновите измени на Законот за здравствена заштита што ги изготви Владата и кои се веќе во собраниска процедура.
Како што соопшти денеска ресорниот министер Никола Тодоров, законските измени се резултат на успешниот проект реализиран претходно со лекарите специјалисти, а целта е да се зголеми квалитетот на здравствените услуги зашто се работи за подготвен, искусен, обучен кадар.
За ваквата можност, нагласи Тодоров, веќе се поднесени најмалку 30 барања од медицински сестри.
- Услов за враќање на медицинските сестри, техничари и технолози е да имаат најмалку три години работно искуство во јавна здравствена установа или најмалку седум години во јавна или приватна здравствена установа која врши болничка дејност, подвлече министерот.
По усвојувањето на законските измени, ќе биде објавен оглас за изразување интерес на кој ќе бидат повикани да се пријават сите медицински сестри кои ги исполнуваат условите и кои сакаат да се вратат од приватното во јавното здравство.
- Очекувам да има голем интерес и уште повеќе да се зголеми квалитетот на здравствените услуги зашто се работи за подготвен, искусен, обучен кадар, истакна Тодоров.
Претходниот сличен проект кој се однесуваше на лекарите специјалисти, поттикна преку 200 од нив да се вратат во јавното здравство. Станува збор за лекари од 20 различни специјалности во 18 градови.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје