Заев во еднодневна посета на Сараево
Премиерот Зоран Заев, денеска е во еднодневна работна посета на Босна и Херцеговина, каде ќе се сретне со претседавачот со Советот на министри на Босна и Херцеговина Денис Звиздиќ.
Како што информира владината прес-служба, по средбата, двајцата премиери ќе присуствуваат на церемонијата „Најменаџер и најкомпанија за 2017“, каде што премиерот Заев ќе има обраќање.
Тој е почесен гостин на оваа значајна манифестација за бизнисот во Југоисточна и Средна Европа, како минатогодишен добитник на наградата за најдобар градоначалник во Југоисточна Европа и оваа година ќе има чест да додели една од наградите.
- Соработката и напредокот на регионот носат квалитетен живот за граѓаните на нашите држави, да продолжиме да ги продлабочуваме економските и политичките односи, ќе биде, како што стои во соопштението, една од пораките на премиерот Заев на церемонијата.
Во рамките на посетата на Сараево, премиерот Заев предвидено е да се сретне и со хрватскиот премиер Андреј Пленковиќ, кој е исто така во работна посета на Сараево.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април