Заев: Вчера се чувствував горд граѓанин на нашата земја

На денешната промоција на нова поштенска марка по повод 30 години независност премиерот Зоран Заев кажа дека се чувствува горд затоа што по 20 години успешно стартуваше пописот.

„Вчера се чувствував горд граѓанин на оваа наша земја, затоа што по 20 години со апелот на сите политички субјекти, со сите општественици, со професионалниот кадар на статистика под раководство на директорот Апостол, нашите граѓани, попишувачи во 50-те региони, исклучително успешно стартуваше пописот во нашата земја. Последниот податок е дека некаде 94.500 граѓани се попишани што е исклучително успешно имајќи во предвид дека е прв ден за попишување и дека е недела. Сакам да им честитам на сите попишувачи но најмногу на сите граѓани“, кажа Заев.