Заев од Халкидики на греана ракија во Гевгелија, струмичани сами во тотален хаос се борат против снегот

Струмичкиот градоначалник Зоран Заев директно од Халкидики допатува најпрво да се слика по теркот на неговиот колега Андреј Жерновски, и да прикаже на Фејсбук како работи, за веднаш отпатува во Гевгелија на греана ракија и жива музика.

Топлата чашка ракија за Заев, а за струмичани жив студ и маки. Од фотографиите може да се забележи дека главниот булевар на градот личи на тесно непроодно сокаче по кој едвај може да се движи возило. Огромен дел од градот е непрооден, а има и отсечени делови на градот.

-Најтешко им е на болните и децата. Ние колку можеме ете се снаоѓаме, вели 50 годишен струмичанец, кој го чистеше снегот од пред својот двор.

Повици стигаат до итната помош, која во рамките на своите капацитети помага. Но, најтешко е на периферните делови, турското мало со неколку илјади жители е целосно отсечено, а има и проблем со доводот на струја.

-Ниту Заев дошол, ниту некој од општината сме виделе. Овде ќе почнеме да се движиме со санки, кога центарот на градот е непрооден мозете да замислите каква е ситуацијата со другите делови на струмица, изјави за струмичката А1 ТВ граѓанин на Струмица.

Додека струмичкиот прв човек се весели на гевгелискиот коледарски оган, струмичани мака мачат со справувањето на една од најладните и снежни ноќи во градот Струмица, оставени без помошта на општината.