Заев: Од 28 април забраната за движење почнува од 21:00 часот
Премиерот Зоран Заев на својата фејсбук-страница соопшти дека Владата ги прифати препораките на Комисијата за заразни болести и донесе измени и дополнувања на мерките за заштита и спречување на ширењето на КОВИД-19.
-Од 28 април забраната за движење почнува од 21:00 и ќе трае до 5:00 часот наредниот ден. Исклучок од забраната и посебниот режим на движење се вечерните часови меѓу 1 и 2 мај и вечерта меѓу 13 и 14 мај.
Угостителските објекти ќе можат да работат само во отворените делови (тераси) до 20:30 часот. Компаниите регистрирани за прослави (свадби, родендени, крштевки и слично) ќе можат да ја организираат работата само како ресторани на отворено (на терасите), а останува забраната за организирање свадби, родендени, крштевки и слично, пишува премиерот.
Се додава и дека продолжува забраната за работа на сите вежбални, фитнес клубови, спортски центри и сали наменети за вежбање на затворен простор, а дејноста може да ја обавуваат на отворен простор согласно соодветниот наменски протокол.
Заев го споделува и линкот на Владата каде во целост може да се прочита донесената одлука: https://vlada.mk/node/25027?fbclid=IwAR2h3ylE4vw9JGHMsXGRQhfLIuVXcs0YPKCn7HyPyl4I8fs5btweaZszmLg
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто