Заев: Го поддржуваме повикот од Белград за унапредување на односите
Македонскиот премиер Зоран Заев во изјава за српски „Блиц“ повтори дека Владата во Скопје никогаш ниту имала намера, ниту дала упатства за вршење какви било разузнавачки активности против која било соседна земја, вклучувајќи ја и Србија.
Пред најавениот денешен телефонски разговор со српскиот претседател Александар Вучиќ, Заев вели дека новата Влада во Скопје силно е посветена на изградбата на добрососедски односи со Србија.
- Без какви било предвремени заклучоци го почитуваме и поддржуваме повикот на официјален Белград да ги заштитиме билатералните односи меѓу Србија и Македонија и да воспоставиме стандарден кодекс на однесување. Се надевам дека денешните разговори со претседателот Александар Вучиќ ќе ги решат сите евентуални недоразбирања, истакнa Заев.
Единствен конструктивен пристап за надминување на проблемите, според него, е отворен директен дијалог за сите прашања и изнаоѓање заемно корисни решенија.
Прашан дали македонската Влада склучила договор со Албанците на штета на српските интереси, Заев тврди дека тоа се лажни вести.
- Дозволете ми да бидам јасен, во нашата политика нема стратегија и политика на штета на Србија. Посветени сме на одржување и континуирана работа за зајакнување на нашите билатерални односи со Србија. Нашиот пристап во надворешната политика се базира на политика на отворени врати, директен дијалог и добра волја која ќе ги решава проблемите, наместо да создава нови. Сметаме дека тоа е најефикасен начин за градење на добрососедските односи, соработка и партнерство, изјави Заев.
Во врска со прашањето за Косово, македонскиот премиер вели дека „Владата на Македонија настојува да изгради пријателски односи базирани на заемно почитување и јакнење на трговските врски“.
Ново на Сител
-
САС на МПЦ-ОА изрази поддршка на Украинската православна црква
-
Дурмиши: Работната група утре ќе предложи мерки за ограничување на цените
-
Во јули 204.336 туристи престојувале во земјава
-
Филипче: СДСМ е против задолжување од Унгарија
-
ЦУ: Спречен шверц на цигари скриени под тапацир на камионска кабина
-
Мицкоски за реакциите на поранешните членови на Историската комисија: Ќе видиме каде се трошеле парите
-
Утре дожд и грмежи, од недела опаѓање на температурите
-
Мицкоски: Бранителите ја имале и ќе ја имаат мојата поддршка