Заев: Доколку се појават екстермистички групи, Шакири може да помогне бидејќи го знае реонот

Џезаир Шакири е еден од граѓаните кои во тоа време се приклучија на опозицијата, изјави денеска премиерот, Зоран Заев, во врска со информациите дека т.н. командант Хоџа, кој учествуваше во конфликтот од 2001 година, е назначен за советник на премиерот за внатрешни безбедност и радикализам.

Во изјава за медиумите, Заев рече дека доколку се појават екстермистички групи, Шакири може да помогне бидејќи добро го знае реонот околу Танушевци. Во врска со изјавата на Шакири дека неговото поставување за советник било договорено со Заев за да го ослободи Танушевци, премиерот вели дека немало потреба од ослободување бидејќи во селото немало вооружени сили.

– Во духот на концептот едно општество за сите јас не ги делам граѓаните. Тој е граѓанин на Република Македонија и како и секој друг може да биде ангажиран како советник или соработник. Како и да се вика, Шакири чесно ќе си го заработува лебот бидејќи издржува многудетно семејство – рече Заев.