Заеднички активности за меѓуетничка интеграција на основците од Гевгелија и Валандово

Основците од училиштето „Владо Кантарџиев“ од Гевгелија и нивните врсници од подрачното училиште „Намк Кемал“ од валандовско Чалакли пред крајот на учебната година, во Гевгелија ги реализираа заедничките активности во рамки на проектот за меѓуетничка интеграција во образованието.

Под работен наслов „Цвеќе на пријателство“ беше изработен заеднички цртеж на цвеќе и засадено цвеќе во училишниот двор од страна на мешовит тим на ученици од второ до деветто одделение од двете училишта.

Учениците од второ до седмо одделение учествуваа во организираниот квиз на знаење, а за учениците од двете завршни одделенија се одржа дебата на тема „Образованието-врата кон успехот“.

Натавниците од двете училишта иницираа продолжување на соработката со нови активности во наредната учебна година.