-->
-->
Зад заклучени врати: Калуѓерка ги открива мрачните тајни на женскиот манастир
-->
Калуѓерки од еден италијански манастир биле принудени на пишуваат завети со сопствената крв, морале да се камшикуваат пред спиење и да јадат расипана храна. Ова го изјави една поранешна членка на редот Францискански од Безгрешното зачнување.
- Ќе си ја прободевме кожата со игли пред пишувањето и бевме среќни што можевме да го направиме тоа – рекла калуѓерката која сакала да остане анонимна.
Таа во детали открила како изгледало нејзиното служење во манастирот во 90-тите години за италијанскиот весник „Кориере дела Сера“.
Оваа калуѓерка, која во тоа време имала само 17 години, ја покажала старата хартиена икона од Богородица, која била покриена со кафеаво-црвени букви, за кои тврдела дека се нејзината крв.
- Ни беше кажано дека нашата врска со Бог на тој начин ќе биде посилна и поавтентична – открила таа.
Францисканските сестри после тоа морале да ги уништат картичките со заветот, но оваа калуѓерка одлучила да задржи една за себе.
- Напишав две и една зачував во куќата на моите родители – рекла таа.
Калуѓерката исто така тврди дека редовно јаделе бајата храна, како јогурт и конзервирано месо на кои им бил истечен рокот на траење.
Таа додала и дека старешините ги поттикнувале сестрите да се камшикуваат секоја вечер и тоа толку долго колку што им било потребно да измолат пет „Аве Марии“, пет молитви „Оче наш“ и пет „Слава на таткото“.
Ватикан наредил истрага за нејзините тврдења, а веќе е подготвено големо досие кое содржи сведоштва на уште неколку калуѓерки кои тврдат дека сите овие работи се случувале.
Но, лидерот на редот, отецот Стефано Мариа Манели (82) ги негирал сите обвиненија. Инаку, тој уште во 1982 година го започнал овој ред кој има девет манастири во Италија и уште шест ширум светот.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп