Забрани за сообраќај за тешки товарни возила на планинските премини

Сообраќајот на државните патишта се одвива отежнато, во зимски услови, по влажни коловози и со остатоци од снег по коловозите по интервенција на екипите на Македонија Пат.

Како што соопшти АМСМ, забрани за сообраќај за тешки товарни возила попладнево има на планинските премини Стража, Маврово, Пресека, Ѓавато, Крива Паланка – граничен премин Деве Баир.

На патот Штип-Велес на м.в Три Чешми сообраќајот е во прекин бидејќи товарно моторно возило го попречиле патот, поради снегот.

Од 06:00 часот утринава на магистралниот пат А-3 Штип-Кочани поточно од с.Крупиште до бензиска пумпа „Ваго“, поради чистење на снежни наноси сообраќајот се одвива наизменично.

АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е почеста  појава на одрони, особено на патните правци: Кочани -Мак. Каменица - Делчево, Виница - Берово, Гостивар - Стража, Маврово – Дебар - Струга, Д. Капија - Удово, Катланово - Велес, Крушево - Демир Хисар и Ресен - Буково. 

Интензитетот на сообраќај на патните правци надвор од градските средини е зголемен.

На граничните премини нема подолги задржувања за влез и за излез од државата. Оваа информација се однесува само за македонската страна на премините.