За своите заслуги во ОВК, Назим Буши се закити со УЧК признание во својот кабинет во МВР
Назим Буши, заменикот министерот за внатрешни работи, го овековечи моментот во кој во својот кабинет добива признание за неговите заслуги во ОВК како подарок обележје на УЧК.
На гравираниот на дрво предмет, освен знакот и името на УЧК е напишано и името и презимето на заменик министерот, Назим Буши.
Фотографијата осамна на профилот на извесен Лиридон Бајрами, кому во биографијата на Фејсбук му пишува дека работел за „Унијата на албанските земји".
„Ја имав честа и привилегијата денеска да се сретнам со командантот на 114-тата бригада Фадил Нимани; Тигар и сега заменик министер за внатрешни работи Назим Буши. Како син на маченик, му го посветувам овој подарок кој докажува дека знае како да биде репрезент секогаш кога е во прашање националниот интерес. На патриотите по војната, Фејсбук патриотите, лесно им е да ни продаваат приказни, но кога беше потребно Назим ја соблече државната униформа и ја носеше униформата на народот. Тоа е доказ за неговата национална визија и став. Многу кратко и јасно му порачав на мојот пријател, драгиот г-ин Назим, дека „зборуваат тие кои не успејаа и не направија ништо за нацијата и татковината, додека карванот врви". Назим Буши беше и сум длабоко убеден дека секогаш ќе биде во карванот на Албанците. Слава на мачениците“, напишал Бајрами како коментар на објавената фотографија.
Ново на Сител
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок
-
Американскиот суд го ослободи Асанж по спогодбата за признавање вина
-
Русија и Украина разменија по 90 затвореници
-
Претпладне сончево, попладне пороен дожд, грмежи и силен ветер