За субвенции аплицирале 55 млекопроизводители од Дебар и Центар Жупа
Шеесеттина млекопроиводители од општините Дебар и Центар Жупа аплицирале за субвениции. Финасиската подршка се однесува за произведено и предадено кравјо и овчо млеко во периодот јануари-април годинава.
- Финансиска подршка за предадено млеко во преработувачки капацитети доставија 55 млекопроизводители, што е за 20 повеќе споредено со претходниот период. За периодот за кој ќе бидат исплатени субвенцииите имаат предадено над 100 тони кравјо и овчо млеко, од кое околу 70 отсто е кравјо. Субвеницирањето е 3,5 денари за литар, изјави Арбен Муладаути овластен раководител на ПЕ на МЗШВ во Дебар, која со својата активност ја покрива и соседната општина,Центар Жупа.
Зголемениот број кооперанти а со тоа и предаденото млеко е резултат на функционирањето на млекарницата „Кораб милк“ во Дебар, која освен кравјо преработува и овчо млеко.
Домаќинствата во општините Дебар и Центар Жупа располагаат со 1.300 грла молзни крави, но сите сопственици не се пријавуваат за субвенции. Повеќето од нив располагаат со помал број грла крави па млекото го продаваат индивидуално.
Сточарите пак располагаат со над 40 илјади грла овци, но повеќето од нив произведуваат бело сирење на традиционален начин,кое е доста барано на пазарот. Стадата овци сега се на бачилата на Стогово,Голема и Мала Мегданица.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка