За првпат победа на Палермо без погодок на Несторовски

Илија Несторовски не настапи за македонската фудбалска репрезентација во дуелот со Норвешка за да му помогне на Палермо на тешкото гостување во Кремона каде гостите славеа со 2-1 против домашниот Кремонезе. Нашиот интернационалец не успеа овојпат да се запише во листата на стрелците а  тренерот на Палермо се одлучи да го повлече од игра во судиското надополнување за да се потроши времето. Рисполи и Бугаринот Чочев беа стрелците на головите. Со оваа победа тимот на Несторовски се искачи на врвот на табелата во Серија Б и ја продолжува битката за кам-бек во елитата.