За една недела 121 заболено лице од грип во Кумановско
Последнава недела на подрачјето на општините Куманово, Липково и Старо Нагоричане, пријавени се 121 новозаболено лице од грип, што претставува зголемување за 13 проценти во однос на минатата недела, информираа денеска надлежните од Центарот за јавно здравје Куманово.
Кумановските епидемиолози соопштија дека вкупниот број на заболени од почетокот на сезоната, досега изнесува 507.
- Повеќето заболени односно 73 проценти се на возраст од 15 до 64 години, по што следува возрасната група од 5 до 14 години и помал процент заболени има над 65 години, изјави доктор Јадранка Стаменковска, епидемиолог од Центарот за јавно здравје.
Во однос на истиот период од минатата година, Центарот бележи намалување на бројот на заболени од грип.
Од инфективното одделение на општа болница информираат дека последната недела во амбулантата биле прегледани 46 лица, а болнички се лекуваат само две лица.
Иако во овој период не е евидентиран драстичен пораст на заболени од грип, епидемиолозите за наредните недели очекуваат тренд на пораст со варијации во интензитетот.
Во октовмри и ноември во Куманово против грип се вакцинираа 1.500 лица.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка