За 3,8 проценти зголемен бројот на работници во индустријата во декември на годишно ниво
Бројот на работниците во индустријата во декември 2023 година, во однос на декември 2022 година, се зголемил за 3,8 проценти. Во периодот јануари – декември 2023 година, споредено со истиот период од 2022 година, е евидентирано зголемување на бројот на работниците во индустријата од 1,6 проценти, објави денеска Државниот завод за статистика (ДЗС).
Податоците на ДЗС покажуваат дека бројот на работниците во секторот Рударство и вадење на камен во декември 2023 година, во однос на декември 2022 година бележи пораст од 6,3 проценти, а во секторот Преработувачка индустрија пораст од 4 проценти. Опаѓање од 1,8 проценти е регистрирано во секторот Снабдување со електрична енергија, гас, пареа и климатизација.
Според главните индустриски групи, бројот на работниците во индустријата во декември 2023 година, во однос на декември 2022 година, бележи пораст кај Енергија за 3,7 проценти и Капитални производи за 18,7 проценти, додека опаѓање бележи кај Интермедијарни производи, освен енергија за 3,6 проценти, Tрајни производи за широка потрошувачка за 4 проценти и Нетрајни производи за широка потрошувачка за 0,1 процент.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ