Вулин: Од Македонија во Србија не можат да влезат економски мигранти

Во Србија не можат да влезат од Македонија економски мигранти, односно мигранти од земји за кои Хрватска и Словенија одлучиле дека не можат да го уживаат нивното гостопримство, бидејќи не се загрозени од војна, изјави денеска српскиот министер за труд, вработување и социјални прашања Александар Вулин.

- Мора да ја заштитиме својата земја и затоа подготвивме резипрочни мерки кон оние за кои Хрватска и Словенија сметаат дека за нив нема место, истакна Вулин.

Тој нагласи дека мерката стапила во сила од синоќа, економските мигранти не се вратени во земјите на потекло туку останале на македонска страна од границата, а им се дозволува премин само на бегалците од Сирија, Авганистан и Ирак.