Вук Јеремиќ го напушта опозицискиот Сојуз за Србија
Народната партија на Вук Јеремиќ изгласала напуштање на заедничката советничка група на Сојузот за Србија (СзС) и во иднина ќе настапува самостојно во Собранието на Град Белград, дознава Нова.рс од свои извори.
Според изворот на порталот, на ваквата одлука се спротивставило дел од членството на партијата, меѓу кои е и шефот на СзС во Градското собрание, Никола Јовановиќ.
Како што наведува изворот, Главниот комитет на Народната партија, кој е планиран за денеска, бил одложен за понатаму.
– Според информациите кои ги добив, причина се поделените мислења меѓу претседателот на партијата Вук Јеремиќ и шефот на советничката група на СзС во Белград, Никола Јовановиќ. Тие не се согласуваат околу начинот како треба да изгледа настапот на нашата советничка група во Градското собрание. Вук смета дека Народната партија мора да оди самостојно, додека Никола исклучиво заговара единство на опозицијата, вели изворот, кој е член на Главниот комитет на Народната партија.
Тој потврдно одговори на прашањето дали е точно дека во текот на одржувањето на седницата на белградскиот Комитет на Народната партија е организирано заедничко гласање за излез од советничката група на СзС и гласање доверба за Јеремиќ.
– Се гласаше за излез од советничката група на СзС во Белград и за доверба на лидерот на партијата. И тоа заедно. Мислам дека тоа не е фер. Мнозинството беше „за“, никој не се изјасни „против“, а неколку членови беа воздржани. Поради таквиот начин на гласање повеќето се спротивставија и се поделија. Би сакал да седнеме и да се договориме, бидејќи ние сме мала партија за да се делиме. Некои претходни случувања внатре во нашата организација ми покажуваат дека ова претставува вовед за излез од Сојузот за Србија, бидејќи не постои некаква љубов меѓу Јеремиќ и Драган Ѓилас, истакна соговорникот на порталот Нова.рс.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица