Вучиќ: Србија оди на предвремени парламентарни избори
Главниот одбор на најголемата партија во српската владина коалиција, Српска напредна партија (СНС) денеска реши да го поддржи предлогот на партискиот лидер и премиер на Србија, Александар Вучиќ за одржување предвремени парламентарни избори во земјата.
Како што јави Танјуг, Вучиќ во обраќањето на седницата нагласи дека решил да побара одржување предвремени парламентарни избори, со цел „да се разреши општествениот судир кој ги блокира реформите“ и затоа што сака со спроведување на реформите во 2020 година „да ја доведе Србија пред вратите на ЕУ како пристојна и уредена земја“.
- На Владата и е потребен цел мандат со цел до 2020 година да ги заврши започнатите реформи, кои ќе ја изведат Србија на добар и сигурен пат, потенцира Вучиќ.
Одлуката за одржување на предвремени избори на седницата на 505-члениот Главен одбор на СНС е донесена со акламација и со долготраен аплауз.
Вучиќ во обраќањето нагласи дека откако СНС ја презеде власта, Србија постојано се наоѓа во „состојба на латентен општенствен судир“ и дека неговата Влада постојано наидува на огромен отпор во нејзините напори за разбивање на блокот „составен од тајкуни, политичари и криминалци на кои не им е во интерес Србија да нпредува и што било да се менува“.
- Започнавме судир и со нив и со оние во нашите редови на кои власта им е само начин за лично богатење, истакна Вучиќ.
Тој нагласи дека во изминативе години додека е на впаст, СНС спровела мерки „од кои сите бегале“.
- Тоа од самиот старт ни донесе непријатели, но горд сум што работевме посветено и на Србија и изградивме углед каков што немала во поновата историја, порача Вучиќ.
Српскиот премиер потенцира дека неговата Влада од Србија направила „столб и симбол на стабилноста“ и затоа сега решила да оди на избори за да дознае дали граѓаните го сакаат и го поддржуваат она што таа го прави за земјата.
- Изборите пред нас ќе бидат многу тешки. Мораме да победиме... Граѓаните ќе знаат да изберат, затоа што никој не може да ја запре Србија на патот кон подобра иднина, им порача Вучиќ на своите сопартијци.
Според српските медиуми, предвремени парламентарни избори најверојатно ќе се одржаат заедно со локалните, кои се предвидени за почетокот на мај.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат