Вучиќ: Србија нема да спроведува референдум за приклучување кон ЕУ
Српскиот премиер Александар Вучиќ за германскиот весник „Билд“ изјави дека Србија нема да спроведе референдум за прашањето дали да се приклучи кон Европската Унија или не, пренесоа британските медиуми.
Запрашан од весникот „Билд“ за тврдењата дека рускиот претседател Владимир Путин го искористува своето влијание во Србија за да изврши притисок за неспроведување на референдум за приклучување кон ЕУ, Вучиќ кажа: „Не знам за Путин, но јас знам дека некои српски партии повикуваат на тоа“.
Вучиќ додаде „мојот одговор е јасен: нема да има референдум, независно колку иницијативи има за него“.
Неколку мали десничарски партии, кои се изјаснуваат за поблиски врски со Кремљ, повикаа на референдум за приклучување на Србија кон ЕУ, и покрај тоа што земјата едвај и да го почна преговарачкиот процес и се надева членството да го добие во текот на 2020 година.
Вучиќ изјави дека пред парламентарните избори јасно дал до знаење дека неговата цел е приклучувањето на Србија кон ЕУ.
-Ние го освоивме апсолутното мнозинство. Ќе направиме се што е можно за да ја постигнеме нашата цел. Доколку скршнеме од оваа патека, Србија ќе тргне во погрешна насока, подвлече српскиот премиер.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево