Вучиќ: На војската ѝ дадов наредба да биде подготвена
Српскиот претседател Александар Вучиќ ја коментираше ситуацијата во Украина.
„Загрижен сум. Нашата позиција не е лесна. Политичкиот притисок врз Србија поради одлуката на Путин ќе се зголемува. Само она што го доживеав во последните три дена ги потврдува моите зборови“, рече Вучиќ.
„Претстои тежок период за Србија. Денеска по седницата како врховен командант издадов наредба до армијата во секое време да биде на најдобар можен начин подготвена. Продолжуваме да го купуваме она што е најдобро за одбраната на земјата“, рече Вучиќ, а пренесе „Блиц“.
„Политичката и безбедносната структура на светот се урива. Сè што знаевме до вчера веќе не важи. Нашата посветеност на мирот мора да биде цврста и силна. Луѓето мислат дека мирот се зема здраво за готово. Денес гледате дека мирот во светот не е нешто што се подразбира. Ова навистина го менува светскиот поредок. Како што предвидовме, нафтата во моментот скокна“, рече Вучиќ.
Тој рече дека имал важен разговор со Макрон за ситуацијата во регионот.
„Постојат стравувања дека сето ова може да се прошири и во другите делови на Европа и светот, вклучително и на Западен Балкан. Бидејќи добро го познавам Путин, јас бев еден од ретките во Европа и светот кој можеше да каже во која насока ќе оди ова, без наше влијание“, рече Вучиќ.
Ново на Сител
-
Приведени две лица, претрес во Штип, пронајдена дрога
-
Приведени двајца кавадарчани поради семејно насилство
-
АСО: Граѓани наплатија над седум милиони евра од осигурување живот за пет месеци
-
Приведен 28-годишник од Тетовско баран по централна потерница
-
ДЗР: Одржувањето на магистралните и регионалните патишта во опасност поради сериозните финансиски предизвици на ЈП
-
Делови на Грција денеска се очекува да бидат зафатени од силно невреме
-
Честитка од Сиљановска-Давкова до американскиот претседател Бајден по повод Денот на независноста на САД
-
Сиљановска-Давкова на состанок со началникот на ГШ и министерот за одбрана