Србија е единствениот кандидат за ЕУ што не ги почитува новите одлуки поврзани со Украина и Северна Кореја
Србија е единствената земја-кандидат за членство во ЕУ од Западен Балкан што не ги почитувала трите нови надворешнополитички одлуки на Советот на ЕУ во однос на Украина и Северна Кореја, пренесе Бета.
Како што соопшти денеска високиот претставник на ЕУ за надворешна политика и безбедност, Жозеп Борел, Србија не ја почитувала одлуката усвоена од Советот на ЕУ од 31 мај за рестриктивни мерки против поединци и субјекти од Северна Кореја како и одлуката за рестриктивни мерки поради анексијата на Крим и Севастопол, и одлуката од 24 јуни за рестриктивни мерки поради активностите на Русија за дестабилизирање на ситуацијата во Украина.
Со трите нови одлуки на Советот на ЕУ, сите земји кандидати за членство во ЕУ од Западен Балкан, освен Србија – Северна Македонија, Црна Гора, Албанија и Босна и Херцеговина – се усогласија, со што ќе се осигура дека нивните национални политики се усогласени со неа, а ЕУ ја забележува оваа заложба и ја поздравува, се наведува во соопштението.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени