Вучиќ денеска ги почнува консултациите за составот на новата српска Влада

Лидерот на Српската напредна партија Александар Вучиќ, кој го доби мандатот да ја состави новата српска Влада, денеска ќе ги почне консултациите со партиите застапени во српскиот Парламент, информира Танјуг.

Вучиќ прво ќе разговара со претставниците на Социјалистичката партија на Србија и на Единствена Србија. Тој со нив ќе разговара за развојот и напредокот на земјата и ќе ги претстави главните точки од програмата на новата влада.

Пратениците во српскиот Парламент вчера со мнозинство гласови за претседател ја избраа Маја Гојковиќ од Српската напредна партија. Парламентот избра и шестмина заменик претседатели.