Втора конференција за е-трговија „Бизнис раст со е-трговија“
Скопје денеска ќе биде домаќин на Втората годишна конференција за е-трговија која оваа година се организира под мотото „Бизнис раст со е-трговија“, во организација на Асоцијацијата за е-трговија на Македонија.
На конференцијата се предвидени предавања, панел дискусии на кои истакнати меѓународни и домашни говорници ќе ги пренесат своите експертизи и искуства во областа на е-трговијата.
– Водејќи се од предизвиците на учесниците на пазарот на е-трговија, оваа година решивме во фокусот на конференцијата да биде растот на бизнисот кој може да се забрза со правилно водење на е-трговијата, како еден од најзначајните канали за продажба. Главниот акцент ќе биде ставен на интернет купувачот и на модерните маркетинг алатки. Е-трговијата е голем двигател на растот на бизнисот и често ги надминува очекувањата на менаџерите, но единствено со нејзино правилно менаџирање, изјавуваат од Асоцијацијата.
Според организаторите, предвидено е обраќање на министерката за финансии Нина Ангеловска и министерот за информатичко општество и администрација Дамјан Манчевски.
На конференцијата ќе говорат еминентните Скот Рафер и Кендас Бисек – истакнати ветерани во дигиталната економија и социјалните медиуми, а своето присуство меѓу останатите го потврдија и Чарлс Валтон – сениор заменик претседател во Мастеркард, Вања Манова – менаџер на Мастеркард за Македонија и Бугарија, како и Горјан Јовановски – технички лидер од Booking.com, соопшти Асоцијацијата.
Асоцијацијата додава дека минатата година на конференцијата имало 400 учесници од 150 компании, организации, универзитети и владини институции, а свои презентации имаа 30 говорници од осум земји.
Ново на Сител
-
ДИК: Oд обработени 63,59% oд гласовите Силјановска Давкова 214.560, Пендаровски 105.593
-
ДИК: Oд обработени 59.59% oд гласовите Силјановска Давкова 197.741 - Пендаровски 97.592
-
Двојна предност на Силјановска пред Пендаровски од 50,3% обработени гласа
-
ДИК: 46,36% oбработени
-
ВМРО-ДПМНЕ: Обработени 13,44% од гласовите - Силјановска Давкова 109.692, Пендаровски 48.553
-
Тошковски и Бојмацалиев: Граѓаните гласаа за избор на Претседател на државата, во мирна, безбедна и демократска атмосфера
-
ВМРО-ДПМНЕ: Од обработени 8,21% Силјановска Давкова 66.482, Пендаровски 28.490
-
Ѓорчев: На 15% на ниво на Македонија Силјановска Давкова 43.466, Пендаровски 18.213