Втор ден од 42. Галичка свадба
Со ритуалот канење на мртвите, кога зетот заедно со група од најблиските роднини го посетува гробот на починатите, во Галичник започнува вториот ден од 42. издание на Галичката свадба, која е основен белег на Галичкото културно лето.
Следи канењето на кумот, упатување на свадбарската поворка по невестата, нејзино испраќање до домот на младоженецот. Венчавањето на младенците ќе се одржи во црквата „Св. Петар и Павле“, а свадбените церемонии ќе завршат со носење на невестата на вода и заигрување и испраќање на топаните.
Со одлука на Советот на месната заедница Галичник, кој е организатор на манифестацијата, годинашни младенци се Билјана Геговска, која потекнува од старо галичко семејство и Филип Белчев.
Галичката свадба обединува над 30 свадбени обичаи карактеристични за мијачкиот крај од кои повеќето и денес се изведуваат за време на свадбени веселби.
Согласно традицијата, свадбата започна синоќа со китење, редење на бајракот и фрлање пушка во вила „Доста“. Потоа следеше пречек на топаните, а беа изведени и „Свекрвино оро“ и „Тешкото оро“ како симбол на пркосот и непокорот. Саботните свадбарски свечености завршија со Одење на вода на три чешми.
Во рамки на овогодишното „Галичко лето“ ќе се одржат книжевна и ликовна колонија. Книжевната колонија „Галичник“, која традиционално се одржува во првата половина на август, поради смртта на истакнатиот поет Тодор Чаловски, по потекло од Галичник, годинава е поместена за средината на септември. Галичката ликовна колонија, пак, годинава ќе угости повеќе домашни и странски уметници, а ќе се одржи од 15 до 23 август.
По повод верскиот празник Преображение ќе биде организирана свеченост, а црквата „Св. Петка“ ќе биде цела ноќ отворена за посетители.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп