ОН времено ги суспендирале сите хуманитарни конвои во Сирија

Канцеларијата на ОН за координирање на хуманитарните работи (ОЦХА) денеска соопшти дека времено ги суспендирала сите конвои во Сирија по синоќешниот воздушен напад во близина на Алепо врз камиони кои превезувале хуманитарна помош, при што загинале најмалку 12 лица.

Портаполот на ОЦХА, Јенс Лерке изјави дека временото одложување на испораките на хуманитарна помош ќе трае додека не се изврши нова проценка на безбедносната ситуација во Сирија.

Лерке истакна дека координаторот на ОН за хуманитрана помош добил потребна дозвола од сириската Влада во претходните денови за минување на конвојот низ Сирија.

Тој нападот на сириската војска врз конвојот го оцени како „најмрачниот ден за хуманитарците ширум светот“.