Возачот на дресината: Кочев и свирев, но комбето не застана

Дресина се судри со патничко такси возило - комбе „мерцедес“ денеска во 12.01 часот кај „Порцеланка“ во Велес. Согласно информациите на велешката полиција, има 10 повредени.

Возачот на дресината во изјава за медиумите, потенцираше дека откако го видел комбето почнал да кочи. Но, за жал, возачот не го погледнал, па возачот на дресината почнал да свири. Додава, дека свирел долго додека не се судрил со комбето.

„Откако го видов почнав да кочам. Тој не ме погледна и почнав да свирам. Долго свирев, додека не го удрив.

Се исплашив, има луѓе и повреди“, изјави возачот на дресината.