Возач тешко повреден во сообраќајка во Скопје
Возач на патничко моторно возило се здобил со тешки телесни повреди во една од вкупно седум сообраќајни незгоди регистрирани во текот на вчерашниот ден на подрачјето на СВР Скопје.
Во две сообраќајки повредени биле пет лица, а во четири била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Дваесет и седум возачи се движеле со брзина поголема од дозволената, седум возачи поминале коловоз на црвено светло и тројца возачи за неправилно престројување.
Од сообраќај биле исклучени еден возач кој го управувал возилото под дејство на алкохол, 15 возачи пред да се стекнат со право на управување на моторно возило и еден возач почетник, како и едно технички неисправно возило и 10 нерегистрирани возила.
Санкциониран бил и еден пешак кој поминал коловоз вон пешачки премин. Затекнати биле 93 непрописно паркирани возила.
Со помош на специјалното возило пајак, отстранети биле 80 возила.
Во рамките на сообраќајно воспитниот проект „Сообраќајна култура на децата во предучилишните установи“, Одделението за превенција денеска ќе реализира едукативна работилница со деца од средна и голема група во детската градинка „Росица“, објект „Кокиче“ која се наоѓа на подрачјето на општина Ѓорче Петров.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп