Во Владата состанок за реформската агенда

Во Владата денеска се одржа состанок посветен на реформската агенда, на кој беа разгледани клучните приоритети и следните чекори за спроведување на реформите, објави премиерот Христијан Мицкоски на фејсбук.

-Заеднички ја нагласивме важноста од ефикасна координација меѓу институциите и навремена реализација на предвидените активности - наведе тој во објавата.

Дополнува дека била потврдена и заложбата за продолжување на реформските процеси во насока на унапредување на системот и подобрување на услугите за граѓаните.

МИА