Во Велес презентирани воени возила на армиите на Македонија и на САД

На паркингот и игралиштата зад гимназијата „Кочо Рацин“ во Велес синоќа беа презентирани воени возила и други воени средства на армиите на Македонија и на САД. 

Оваа активност на двете армии беше во рамките на вежбата „Draggon Guardian 17“ односно во рамки на цивилно-воената соработка меѓу двете земји.

Велешани посебно најмладите пројавија голем интерес и беа многу љубопитни да ги разгледаат одблиску воените возила и да се качат и на нив и во нив и се фотографираат за спомен со американските и македонските војници.

Американскиот војник од прва класа Серна Џошуа рече дека оваа презентација е со цел за поврзување и соработка меѓу американските и македонските граѓани.

- Сакаме да покажеме дека соработуваме и затоа сме дојдени туку и ни е многу драго што сме во вашата земја која е прекрасна и многу ни се допаѓа, рече војникот Џошуа.