Во Велес одбележани 66 години од смртта на Панко Брашнаров
Со положување букети цвеќе пред споменикот на Панко Брашнаров во новиот дел на Велес делегација на Општина Велес, на Сојузот на борци и членови на семејството Брашнарови денеска ја одбележаа 66-годишнината од смртта на првиот претседавач на АСНОМ.
За револуционерниот пат на Панко Брашнаров, кој бил роден на 9 август 1883 година во Велес, пред присутните говореше историчарот Слободан Ников.
Тој беше народен учител, првиот претседавач на АСНОМ и потпретседател на првата повоена Македонска влада, кој во судир со Информирото беше испратен на островот Мермер кај Голи Оток во Хрватска каде и починал на 13 јули 1951 година, потсети Ников.
- Брашнаров беше еден од нашите дејци кои се бореа за слободна Македонија и при тоа ги дадоа и своите животи и затоа ние денеска да не дозволиме на никому да ја преправа нашата македонска историја и да гази по нашите македонски револуционери, затоа што ако тоа се случи ќе не снема како народ, како Македонци, порача Ников од Велес.
Милан Брашнаров, правнук на Панко Брашнаров, во изјава за МИА, информира дека и по шест години од покренување на иницијатавита за пренесување на посмртните останки на Панко Брашнаров од Хрватска во Македонија постапката се уште тапка во место.
- Комисијата работи бавно и ние од семејството немаме никаква информација до каде е таа постапка и кога конечно посмртните останки на нашиот Панко Брашнаров ќе бидат пренесени од градските гробишта „ Мирогој“ во Загреб во неговиот роден град Велес за да можеме барем свеќа да му запалиме на неговиот гроб, потенцира Милан Брашнаров.
Дека постапката на комисијата за есхумација на Панко Брашнаров е заглавена во лавиринтот на администрацијата потврди и градоначалникот Славчо Чадиев.
Споменикот на Панко Брашнаров е поставен во јули 2004 година и е дело на скулптпрот Петар Хаџи Бошков.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени