Во Велес изложба на Петра Јовановска и Валентина Илијевска
Во Ликовниот салон во Велес синоќа беше отворена изложбата „Круг и квадрат“ на академските ликовни авторки Петра Јовановска и Валентина Илијевска.
Како што појасни Елица Николова директор на велешкиот Народен музеј која зборуваше за изложбата, над 30-те дела коишто се презентирани на изложбата, се работени во комбинирана техника со нагласена употреба на колажот, графиката и дигиталниот принт.
- Двете авторки ги претставуваат своите концепти и истражувања во рамките на современиот визуелен израз базиран на дигиталната технологија и геометризирана структура, движејќи се по скалата од симплифицирани решенија до сложено структуирани композиции, потенцира Николова.
Изложбата се реализира во соработка со Музејот на град Велес и НУ Центар за култура „Трајко Прокопиев“ од Куманово којшто е организатор и координатор на проектот.
Петра Јовановска е родена во Јесеник, Чешка, дипломирала на Факултетот за ликовни уметности во Скопје, отсек Графика. Има реализирано голем број самостојни изложби и учествувано на повеќе групни изложби и колонии во земјата и странство.
Валентина Илијевска е родена во Скопје, живее во Куманово, дипломирала на Факултетот за ликовни уметности во Скопје, отсек Графика и графички дизајн. Магистар е по конзервација и реставрација на ѕидно сликарство. Има реализирано голем број на самостојни изложби и учествувано на групни изложби и колонии во земјата и странство.
Популарно од Македонија
Ново на Сител
-
Првите полски туристи од Вроцлав слетаа на аеродромот во Охрид, почнуваат две нови авиолинии од Вроцлав и Катовице
-
Дарио Ивановски победник на „Охрид трчаТ“
-
Кривична за 29-годишен дебранец кој возел без возачка, пијан и ги нападнал полицајците
-
Николоски: За околу два месеци ќе добиеме модерен, проширен и целосно нов реконструиран аеродорм во Охрид
-
Реализирани над 65 проценти од проектот за реконструкција и проширување на охридскиот аеродром
-
ЈПДП потсетува дека од 15 јуни лентите за MTAG ќе бидат исклучиво за корисници со електронски тагови
-
Кина: Почнавме специјална поморска операција во близина на Тајван
-
Приведен 40-годишен жител на Свети Николе, пронајдени марихуана и семки од канабис
